Wednesday, April 25, 2018

බුදු දහම රැක ගැනීමට කල පලමු ගරිල්ලා සටන.. චක්මා බෞද්ධයින්

හිමාලය කදු වැටිය ඇසුරේ වෙසෙන විවිධ බෞද්ධ ගෝත්‍ර අතර වඩා ප්‍රකට ථෙරවාදීන් වන්නේ චක්මා බෞද්ධයෝය.ඔවුන් ලෝක දේශපාලන සිතියමට එක් වුයේ මුස්ලිම් බංගලාදේශයේ බෞද්ධ රාජ්‍යයක් සඳහා ශාන්තිභාහිනි හමුදාව තනා තමන්ගේ බෞද්ධ රාජ්‍යයක් තැනීමට උත්සහා දැරු නිසාය. මේ වන විට බංගලාදේශය ඉන්දියාව සහ බුරුමය යන රටවල විසිරි පැතිරි සිටින චක්මා බෞද්ධයෝ ආගමික වශයෙන්ද සංස්කෘතික සහ භාෂා වශයෙන් ද එකම ජන කණ්ඩායමකි. 1947 බ්‍රිතාන්‍යයන් මහා බෙංගාලය බෙදා කොටසක් බටහිර බෙංගාලය නමින් ඉන්දියාවටද තවත් කොටසක් නැගෙනහිර පාකිස්ථානය නමින් පාකිස්තානයටද බෙදා දුන් පසු බංගලාදේශයේ චිතගොන් කඳුකරයේ ජීවත් වූ චක්මාවරු අතිශයින්ම පීඩිත ජන කණ්ඩායමක් බවට පත් වුහ.1947 පටන් 1971 දක්වා බටහිර පකිස්ථාන පාලනය යටතේ 1971 දෙසැම්බරයේ පටන් මේ දක්වා මුස්ලිම් බංගලාදේශය යටතේ ඔවුහු ස්වකීය අයිතිවාසිකම් උදේසා සටන් කරමින් සිටිති. අරකන් (බුරුම) සම්භවයකින් පැවත එන චක්මාවරු පොදු‍වේ සංස්කෘත සාහිත්‍යයේ රකිත හෙවත් රාක්ෂස නමින් හැදින් වෙති.ඊසාන දිග ඉන්දියා‍වේ මිසොරාන් අරුනාචාල් සහ ත්‍රිපුර යන ප්‍රාන්තවල මේ වන විට ඉන්දියානුවන් බවට පත් වී හින්දු ආගමික වාදයන්ගෙන් බැට කන චක්මාවරු තවමත් ස්වකීය ථේරවාදි ආගමික අනන්‍යතාව ගැන අතිශය ආඩම්බර වෙති. ඉන්දියාව මෝගල් මුස්ලිම් රජවරු යටතේ පාලනය වෙද්දී හින්දුන් මෙන්ම චක්මාවරුන්ටද මුස්ලිම් වීමට බල කරන්නට විය. 17 වන සියවසේදී චිතගොන් කඳුකරය ආක්‍රමණය කළ මෝගල් රජවරු රාජ් නගර් නම් වූ චිතගොන් චක්මාවරුන්ගේ අගනුවර ස්ලාමාබාත් නමින් නම් කළහ.නමුත් මෝගල්වරුන්ට පාලනය කළ හැකි වූයේ චිතගොන් කඳුකරය අතර පහත් බිම් පමණි. චිතගොන් කඳුකරයේ පසු බැස ගිය චක්මාවරු හරියටම උඩරැටියන් යුරෝපියන් සමග යුද්ධ කළ ආකාරයටම දිගින් දිගටම මෝගල් පාලකයන්ට විරුද්ධව යුද්ධ කළේය.17 වන සියවස අග භාගයේදි මෝගල් පාලකයන් සහ චක්මාවරු අතර ඇති වූ සමාදානයෙන් පසු මද කළෙකට පසු සාමාදානය එහි ළගා වූයේය. නමුත් 18 වන සියවසේදී නැගෙනහිර ඉන්දියා වෙළද සමාගම චිතගොන් කඳුකරයට හෙවත් චක්මා භූමියට කෙළ හලන්නට පටන් ගත්තේය.එයට මූලිකම හේතුව වුයේ එම භූමීයේ සරුසාරව වැඩුන කපු වගාවයි.ඉංග්‍රිසි කාර්මික විප්ලවයට පසුබිම සැපයු රෙදි කර්මාන්තයට අවශ්‍ය කපු සැපයීමට ඉංග්‍රිසින්ට කෙසේ හෝ චක්මා භූමිය අල්ලා ගැනීමට අවශ්‍ය වුයේය.මේ නිසා 18 වන සියවසේ මුල් කාර්තු දෙකේ ඇති වු යුද්ධ වලින් සුවිශාල චක්මා පිරිමි ජනගහණයක් එරටට අහිමි විය.මේ නිසා ඔවුහු යුධමය අතින් දුර්වල ජාතියක් බවට පත් වූයේය.මෙයත් හරියටම අවුරුදු 450ක් තිස්සේ ලංකාවේ උඩරැටියන් යුරෝපියන් සමග යුධ වැදීමෙන් ඇති වූ ඉරනමට සමාන ඉරනමකි. 1860 දී ඉංග්‍රීසි හමුදාව චක්මා භූමිය අල්ලා ගැනීමට සමත් වූයේය. 1971 දෙසැම්බරයේදි ඉන්දියානු හමුදාවල උපකාරයෙන් බටහිර පාකිස්ථානයෙන් ගැල වූ නැගෙනහිර පාකිස්ථානය බංගලාදේශය නම් රාජ්‍යක් නිර්මාණය කළේය. නිදහස් බංගලාදේශයේදි චක්මා බෞද්ධයන්ට අත් වුයේ කබලෙන් ලිපට වැටුනා හා සමාන ඉරනමකි. මේ පීඩාවන්ගෙන් විස්සෝපයට පත් චක්මා බෞද්ධයෝ 1972 දී මනමේන්ද්‍ර ලාමාගේ නායකත්වයෙන් චත්‍රග්‍රාම් ජන සමාජ සමිති හෙවත් චිතගොන් කදුකර ජනතා ව්‍යාපාරය නිර්මාණය කෙරුනේය. ඔවුහු ලෝකයේ මුල්ම බෞද්ධ ගරිල්ලා ව්‍යාපාරය එනම් ශාන්තිභාහිනි හමුදාව නිර්මාණය කර මුස්ලිම් පීඩනයට එරෙහිව ගරිල්ලා යුද්ධයක් ඇරඹූහ. මේ දික් ගැස්සු ගරිල්ලා යුද්ධයේදී ලොව කිසිම ජාතියකින් සහයක් නොලද චිතගොන් බෞද්ධයෝ 1984 වෙද්දි ස්වකීය නායකයා බංගලාදේශ හමුදාව විසින් ඝාතනය කිරීම දක්වා ඈතට ගමන් ගත්හ.අවසානයේ 1997 දී ඉන්දීය ආණ්ඩුව මැදිහත් වීමෙන් බංගලාදේශ ආණ්ඩුව සහ චක්මාවරු අතර සාම ගිවිසුමක් අත්සන් කිරිමට සිදු වුනේය. මේ සාම ගිවිසුමෙන් නිරායුධව බංගලාදේශ් රාජ්‍යයේ වෙනස්කම් වලට මූණ දීමට චක්මා බෞද්ධයන්ට බල කෙරුණි.අද වන විට චක්මා බෞද්ධයෝ ඉන්දියාව බංගලාදේශය බුරුමය යන රටවල් අතර බෙදා වෙන් වී ජීවත් වෙති.ඉන්දියාවේ මිශොරාම්, හිමාචාල්, ත්‍රි පුර යන ප්‍රාන්ත වලදී ඔවුන්ට ප්‍රාන්ත ආණ්ඩු වලට මන්ත්‍රිවරු පත් කර යැවීමේ ඡන්ද බලය පමණක් හිමි වී තිබෙන්නේය. බංගලාදේශයේ චිතගොන් කඳුකරයේදී චක්මා බෞද්ධයන්ගේ ඉරනම අදටත් අතිශය කණගාටුදායකය. ලාංකීයන් සහ චක්මා බෞද්ධයන් අතර අපූර්ව සමානකම් ගණනාවක් ඇත්තේය.අපි වෙසක් උත්සවයට බුදු තෙමඟුල සමරන අකාරයටම චක්මාවරු බුද්ධ පූර්නිමා නමින් වෙසක් මාසයේ පසළොස්වක දිනය ඒ ආකාරයටම සමරති.අපි සිංහල අලුත් අවුරුද්ද සමරන ආකාරයටම චක්මාවරු බිසු නම්න් අලුත් අවුරුදු උත්සවය ඒ චාරිත්‍රවාරිත්‍ර අනුවම සමරති.කවර රටක පදිංචිව සිටියත් අදටත් ඔවුන්ගේ භාෂාව චක්මා වාච්ය.ආගම ථෙරවාදී බුදුදහමයි.

මානව පරිගණක

ඩෙස්ක්ටොප්, ලැප්ටොප් පරිගණක සහ බහු කාර්ය කැල්කියුලේටර භාවිතයට ඒමට බොහෝ කලකට පෙර ඒ සියලුම ගණනයන් කල ඔවුන් දැන් හඳුන්වන්නේ "මානව පරිගණක" ලෙසය. ගණිතඥයින්, ඉංජිනේරුවන් සහ විද්‍යාඥයන්ගෙන් යුත් විශිෂ්ට කණ්ඩායමක් ඇතුළත් වූ අතර ඔවුන් නාසා ආයතනයේ ජෙට් ප්‍රචාලන විද්‍යාගාරය (JPL) හා ලැන්ග්ලී පර්යේෂණ මධ්‍යස්ථානයේ සේවයට යොදවන ලද්දේ ලබාදෙන සංඛ්‍යා අර්ථවත් දත්ත බවට පත් කිරීම පිණිසය. ඔවුන්ගේ ගණනය කිරීම් එක්සත් ජනපද ගගනගාමීන් සඳ හා ඉන් ඔබ්බට ගමන් කරන මෙහෙයුම්වල ගමන් මග පෙන්වා ඇත.

මෙම ගණනය කිරීම් අතින්, පැන්සල් සහ ප්‍රස්තාර සටහන් මඟින් සිදුකල අතර බොහෝවිට සටහන් පොත් හයක් හෝ අටක් පුරා සටහන් කිරීමට සිදුවිය. එක් ගණනය කිරීමක් සඳහා සතියකට වැඩි කාලයක් ගතවිය. විශේෂත්වය වන්නේ මේ සියලුම දෙනා ස්ත්‍රීන් වීමය.

පවිටු බයිබලය, අනාචාරි බයිබලය සහ අශිෂ්ට බයිබලය

පවිටු බයිබලය, අනාචාරි බයිබලය සහ අශිෂ්ට බයිබලය ආදී ලෙස හැඳින්වෙන මේ බයිබලය, 1631 වර්ෂයේ දී ලන්ඩනයේ රාජකීය මුද්‍රණ ශිල්පීන් වන රොබට් බාර්කර් සහ මාටින් ලූකස් විසින් ජේම්ස් රජුගේ බයිබලයේ පරිවර්තනය නැවත මුද්‍රණයයි. මෙම නම් භාවිත කිරීමට හේතුව වන්නේ අකුරු අමුණන්නන් විසින් සිදු කරන ලද වරදකි: දස පණතෙහි (නික්මයාම 20:14), "ඔබ පරදාර සේවනය නොකරන්න (Thou shalt not commit adultery)" යන වාක්‍යයේ අකුරු අමුණා තිබුනේ "ඔබ පරදාර සේවනය කරන්න (Thou shalt commit adultery)" යන ලෙසටය.

මෙම දෝෂය පිටපත් ගණනාවක් තුළ දක්නට තිබුණි. අවුරුද්දකට පමණ පසුව, පවිටු බයිබලයේ ප්‍රකාශකයන් ස්ටාර් වාණිජ මණ්ඩලයට කැඳවූ අතර පවුම් 300 ක දඩයක් (2016 දී එම අගය දල වශයෙන් පවුම් 45,844 කට සමාන විය) නියම කර ඔවුන්ගේ මුද්‍රණ බලපත්‍රය අවලංගු කරන ලදී. බයිබලයෙහි මෙම සංස්කරණයේ එවැනි වැරදීමක් ඇති බව දුටු කැන්ටබරිහි අගරදගුරු වූ ජෝර්ජ් ඇබට් සහ 1 වැනි චාල්ස් රජු අධික කෝපයට පත්වීම එයට මූලික විය.


පවිටු බයිබලයේ පිටපත් බොහොමයක් වහාම අවලංගු කරන ලද අතර ඒවා පිළිස්සූ නමුත්, කෞතුක භාණ්ඩ එකතුකරන්නන් විසින් ඉතා වටිනා ලෙස සලකනු ලබන වර්තමානයේ ඉතිරිව තිබෙන පිටපත් සංඛ්‍යාව සාපේක්ෂව අඩු යයි සලකනු ලැබේ. එක් පිටපතක් නිව් යෝර්ක් මහජන පුස්තකාලයේ දුර්ලභ පොත්වල එකතුවක ඇති අතර ඉතා කලාතුරකින් පරිශීලනයට ඉඩ ලබා දෙයි. තවත් පිටපතක් එක්සත් ජනපදයේ ටෙක්සස් ප්‍රාන්තයේ හූස්ටන්හි පිහිටි ඩන්හැම් බයිබල් කෞතුකාගාරයේ දක්නට ලැබේ. ලන්ඩනයේ බ්‍රිතාන්‍ය පුස්තකාලය 2009 වසරේ සැප්තැම්බර් මස දක්වා තවත් එක් පිටපතක් ප්‍රදර්ශණය කරන ලදි. ඇමරිකාවේ හා බ්‍රිතාන්‍යයේ තවත් ස්ථාන 2ක තාවකාලික ප්‍රදර්ශණය සඳහා වෙනත් පිටපත් 2ක් තබා තිබුණි.

වර්ෂ 2008 දී පවිටු බයිබලයෙහි පිටපතක් අන්තර්ජාලය ඔස්සේ විකිණීම සඳහා ඩොලර් 89,500ක මිලක් නියම කර තිබුණි. 2015 දී දැනට ඉතිරි වී ඇතැයි සැළකෙන පවිටු බයිබල් 10 අතුරින් එකක් බොන්හම්ස් වෙන්දේසි සමාගම විසින් වෙන්දේසි කළ අතර පවුම් 31,250 කට අලෙවි විය.

මොනාද මේ කෝපි ලුවක්(Kopi luwak) ?

අපි කවුරුත් කෝපි බොන්න ආසයි, ඒ වගේම කෝපි කෝප්පයක් දවසකට සැරයක් බොන එක ශරීර සෞඛ්‍යයට සෑහෙන හොඳයි කියලත් කියනව, ඒ උනාට ගැස්ට්‍රයිටිස් තියෙන අයට නම් කෝපි ඒ තරම් හොඳ දෙයක් නෙවෙයි. පැකට් කරපු කෝපි වගේම ගෙදරදි කොටාගත්ත කෝපි වලිනුත් අපි කෝපි හදාගන්නව . ඒ වගේම කිරි කෝපි , අයිස් කෝපි, බිත්තර කෝපි , cappuccino , expresso , macchiato වගේ නානාප්‍රකාර වර්ගෙ කෝපි දකින්න ලැබෙනව.
සාමාන්‍යයෙන් කෝපි හදන්නෙ කෝපි ගෙඩි වේලලා ඇටේ අරන් ඒක grind කරල හරි කොටාගෙන හරි ගන්න කුඩු වලින්. හැබැයි අපි මේ කතාකරන Kopi luwak (කෝපි ලුවක් ) හදන්නෙ වෙනස් විදිහකට. ඇත්තටම කිව්වොත් kopi luwak කියන්නෙ ඉන්දුනීසියාවේ නිපදවෙන ලෝකෙ මිල අධිකම කෝපි වර්ගයක්. මේවයෙ කිලෝවක මිල ඇමරිකානු ඩොලර් 200 - 400 දක්වා වෙනව , ඒ කියන්නෙ දල වශයෙන් රුපියල් 50,000ක්. Kopi luwak වල ඉතිහාසය ගැන ගත්තොත් මුලින්ම මේක ඉන්දුනීසියානු ජාතිකයො විසින් හොයාගන්නෙ ලන්දේසි අධිරාජ්‍යවාදී පාලන සමයෙදි. මේ කාලෙදි කෝපි හේන් වලින් කෝපි ගන්න ස්වදේශිකයන්ට අවසර තිබිල නෑ. හැබැයි මෙයාලට වෙන විදිහකින් කෝපි ඇට හොයාගන්න පුලුවන් උනා, ඒ තමා උගුඩුවන් ( Palm civet ) කෝපි ගෙඩි ආහාරයට ගෙන මළපහ කරපු කෝපි ඇට. සාමාන්‍යයෙන් මේක ගොඩක් ගස් වල ඇටවල තියෙන පරිණාමීය අනුවර්තනයක්, ඒවයෙ ඵල සතුන් ආහාරයට ගත්තම ඒවයෙ බීජ කිසිම හානියක් නැතුව මළපහ එක්ක පිටවීම. කෝපි හොයාගන්නම බැරි තැන ස්වදේශිකයො මේ මලපහ එක්ක තිබ්බ කෝපි ඇට සකස් කරල පානය කරන්න ගත්ත, පුදුමයකට වගේ මේ කෝපි අර සාමාන්‍ය කෝපි වලට වඩා ගොඩක් රසවත් උනා, ඒ කෝපි බීජ උගුඩුවගෙ ජීර්ණ මාර්ගය ඔස්සේ එනකොට පැසීමකට (fermentation ) ලක්වෙලා තිබීම නිසා. පස්සෙ මේක ලෝකෙ පුරාම ප්‍රචලිත උනා.
උගුඩුවා කියන්නෙ නිශාචර සතෙක්, මෙයාල ඉදුණු කෝපි ගෙඩි කන්න ආසයි, ඉතින් මෙහෙම කාල පිටකරන මලපහ වල සම්පූර්ණයෙන්ම තියෙන්නෙ අර කෝපි වල ඇට, මේක තමා Kopi luwak වල අමුද්‍රව්‍ය විදිහට ගන්නෙ. ඉන්දුනීසියානු භාෂාවෙ Luwak කියන වචනෙ තේරුමත් උගුඩුවා කියන එකයි. හැබැයි මේකෙ නරක පැත්තක් තියෙනව, සම්මත පිළිගැනීම අනුව kopi luwak නිපදවීම සදාචාර සම්පන්න ව්‍යාපාරයක් ( ethical business ) විදිහට පිළිගැනෙන්නෙ නෑ. ඒ මහා පරිමාණයෙන් උගුඩුවන්ගෙ මලපහ ලබාගන්න මේ ව්‍යාපාරයේ ඉන්න අය උගුඩුවො කූඩුකරල හදනව විතරක් නෙවෙයි, උන්ට කෝපි ගෙඩි විතරක් බලෙන්ම ආහාරයට ලබාදෙන නිසා. මේ නිසා ලෝකයෙ ගොඩක් සත්ව අවිහිංසාවාදි සංවිධනය kopi luwak නිෂ්පාදනයට විරුද්ධව වැඩ කරනවා.
ඉතින් ඕක තමයි ලෝකෙ මිල අධිකම කෝපි වර්ගවලින් එකක් ගැන කතාව.

Tuesday, April 24, 2018

භූත නිවහනක් ලෙස ප්‍රසිද්ධියට පත් ඇමිටිවිලාවේ අද තත්ත්වය..

මුළු ලෝකයේම ප්‍රසිද්ධියට පත් වුණු ඛේදජනක මිනීමැරුම් සිද්ධියක් හේතුවෙන් ඇමිටිවිලා නිවස ප්‍රසිද්ධියට පත් වූයේ 1974 වසරේ දී ය. ඒ රොනල්ඞ් ඩිෆියෝ නම් වූ තරුණයෙකු ඔහුගේ මවත්, පියාත්, සහෝදරියන් දෙදෙනා සහ සහෝදරයින් දෙදෙනාත් ඔවුන්ගේ නිදන කාමර තුළ දී වෙඩි තබා ඝාතනය කිරීමේ සිදුවීමෙන් පසුවය. හරියටම 1974 වසරේ නොවැම්බර් මස 13 වන දා පාන්දර 3ට සිදු වූ මෙම සය පුද්ගල ඝාතනයෙන් පසු ඇමිටිවිලා නිවස වසා දමා තිබුණේ රොනල්ඞ් බන්ධනාගාර ගතවීම නිසා ය. ඉන්පසු මෙම නිවස පිළිබඳව ප්‍රදේශවාසීන් හැදින් වූයේ හොල්මන් ගෙයක් ලෙස පමණි. කිසිවෙකුත් රාත්‍රී කාලයේ මෙම නිවස අසලින් ගමන් කිරීමට පවා මැලි වූහ. නිදන කාමර පහක් සහ නාන කාමර තුනක් සහිත දෙමහල් නිවසක් වූ මෙය ඉන්පසු අලෙවි වී තිබුණේ ඉතා අඩු මුදලකටය. ඇමෙරිකන් ඩොලර් 850000 කට මෙම නිවස මිලදී ගනු ලැබුවේ ලට්ස් පවුල විසිනි.
ලට්ස් පවුලේ සාමාජිකයන් ගණන 5කි. ජෝජ් සහ කැතී නම් වූ තරුණ අඹු සැමි යුවළට සිටි දරුවන් ගණන තිදෙනෙකි. ඔවුන් ඇමිටිවිලාවේ පදිංචියට පැමිණි මුල් දින කීහිපයේ ඉතා සුවදායී දිවියක් ගත කළ ද පළමු සතියෙන් පසු විවිධ අද්භූතජනක දෑවලට මුහුණ දෙන්නට ඔවුන්ට සිදුවිය. නිවසේ ප්‍රධානියා වූ ජෝජ්ට දිනපතාම පාන්දර යාමයේ යම් යම් ශබ්ද ඇසී අවදිවන්නට සිදුවීම පුරුද්දක් වූ අතර ඒ හරියටම පාන්දර 3 ට බව ඔහු සලකුණු කර තිබිණි. නිවසේ යම් යම් කාමරවලින් සහ කුස්සියේ යම් යම් ස්ථාවලින් අමුතුම ආකාරයක සීතලක් දැනෙන බව කැතී විසින් සලකුණු කරගෙන තිබිණි. ඔවුන්ගේ පස් හැවිරිදි පුංචි දියණිය නොපෙනෙන මිතුරෙකු සමග කතා කරන ආකාරයත් එම මිතුරා විසින් ජෝජ් සහ කැතීට මෙම නිවසින් පිටවන ලෙස බල කරන බවත් පුංචි දැරිය සිය මවට අවස්ථා කීපයකදීම කියා තිබිණි.
ඇමිටිවිලාවේ ඇති තවත් අද්භූත සිදුවීම්වලින් පසු නිවසට ආශිංසනය කිරීම සඳහා පැමිණි දේවගැතිවරුන්ට පවා පුදුමාකාර සිදුවීම්වලට මුහුණ දෙන්නට සිදු වී තිබිණි. කැතී විසින් අස්වාභාවික සිසිලසක් දැනෙන බවට පැවැසූ සෑම ස්ථානයකම නිවස තුළ මියගිය අයගේ ආත්ම සැරිසරන බවත්, දිනපතා පාන්දර තුනට විවිධ ශබ්ද ඇසී නිවසේ ප්‍රදානියාව අවදි කරනු ලබන්නේ මෙම ආත්ම විසින් බවත්, කුඩා දැරියගේ මිතුරෙකු බවට පත් වී සිටින්නේ මෙම නිවසේ ජීවත්ව ඝාතනයට ලක් වූ පාදයක ආබාධයක් සහිත අවුරුදු 9ක් වයසැති ජෝන් මතෙව් නම් දරුවා බවත් දේවගැතිවරයා විසින් පවසා තිබිණි.

කෙසේ වුවද ලට්ස් පවුලට මෙම නිවසේ පදිංචි වීමට අවස්ථාව ලැබුණේ දින 28 ක් පමණි. ඉන්පසු එම නිවසේ සැරිසැරූ ආත්මවල හිංසන නිසා ඔවුන් ඇමිටිවිලාව අතහැර ගොස් තිබිණි. ඉන් වසර කීහිපයකට පසු විවිධ පුද්ගලයන් මෙම නිවසේ පදිංචියට පැමිණිය ද ඔවුන්ට කිසිදු ආත්මයකින් හිරිහැර සිදු වී නොතිබිණි. නමුත් ඔවුන් සියල්ලෝම ඉතාම කෙටි කාලයක් තුළ එනම් අවුරුද්දකටත් අඩු කාලයක් තුළ මෙහි වාසය කිරීම අතහැර ගොස් තිබුණේ සැලකිය හැකි අන්දමේ හේතුවලින් තොරව ය.

ඇමිටිවිලාවේ සිදු වූ සය පුද්ගල ඝාතනයන් ඇතුළත් කොට හොලිවුඞ් චිත‍්‍රපට තුනක් නිර්මාණය විය. ඇමිටිවිලා අබිරහස නමින් පොත් කීහිපයක් ද ලියවී තිබිණි. ලට්ස් පවුලට මුහුණ දෙන්නට සිදු වූ අද්භූතජනක සිදුවීම් ඇතුළු කොට නිෂ්පාදනය වු චිත‍්‍රපට ගණන තුනකි. මෙතරම් ප්‍රසිද්දියට පත් වූ ඇමිටිවිලාවේ වර්තමාන තත්ත්වය ඉතා ශෝචනීය ය. සාමාන්‍යයෙන් කිසිම ගෘහ නිර්මාණ ශිල්පියෙකු හෝ වාස්තු විද්‍යාඥයෙකු නිවසක් ඉදිකිරීම සඳහා සැලැස්මක් නිර්මාණය කරන විට නිවසේ ඉදිරිපස හෝ පැති පෙනුම සමමිතිකව පෙනෙන ආකාරයට නිර්මාණය නොකරන බව නොරහසකි. නමුත් ඇමිටිවිලා නිවස ඉදිකර ඇත්තේ ඉදිරිපසින් මෙන්ම පැති පෙනුම ද සමමිතිකව පෙනෙන ආකාරයට ය. එවැනි පෙනුමක් සහිත නිවාස වාසයට සුදුසු නැති නිවාස ලෙස හඳුන්වනු ලැබේ. වාස්තු විද්‍යාව පිළිබඳව කිසිදු විශ්වාසයක් නැති ඇමෙරිකාවේ පිහිටා ඇති ඇමිටිවිලා නිවසට මෙවැනි ඉරණමක් ඇති වී තිබෙන්නෙ මෙම අසාමාන්‍ය සමමිතික බව හේතුවෙන්ද විය හැකිය.
වර්තමානයේ පවා මෙම නිවස මිලදී ගන්නට කිසිදු කෙනෙක් ඉදිරිපත් වන්නේ නැත. එය විකිණීම පිණිස ක්‍දකාඇකක බැංකුව පසුගිය වසර 32 පුරාම පුවත්පත් දැන්වීම් දමනු ලබයි. එපමණක් ද නොව අවස්ථා තුනක දී ප්‍රසිද්ධ වෙන්දේසි කිරීම් සඳහා ඇරයුම් කළ ද මේ වෙන්දේසිවලට පැමිණ සිට තිබුණේ ඉල්ලූම්කරුවන් දස දෙනෙකුටත් අඩු පිරිසක් වන බැවින් වෙන්දේසිය ක්‍රියාත්මක නොවුණි. ඇමිටිවිලා ඝාතන සිදුවීමටත් ලට්ස් පවුල මුහුණ දුන් අද්භූත සිදුවීම්වලටත් අප්‍රමාණ ප්‍රසිද්ධියක් ලබාදීම හේතුවෙන් අද වනවිට ක්‍දකාඇකක බැංකුවට වන්දි ගෙවන්නට සිදු වී තිබීම නම් කනගාටුවට කරුණකි.

Monday, April 23, 2018

විද්‍යාඥයන් පවසන පරිදි මෙය මෙතෙක් වාර්තා වී ඇති වඩාත්ම මනස සන්සුන් කරන සංගීතයයි

විනාඩි 8ක කාලයක් දිගැති මෙම පටිගතකිරීම විවිධ ආකාරයේ රිද්ම, ශබ්ද සහ ස්වර රටාවල මනරම් සංයෝජනයක් වන අතර එමඟින් හෘද ස්පන්දනය අඩු කිරීම, රුධිර පීඩනය අඩු කිරීම සහ ආතතිය අඩු කරයි. ගිටාරය, පියානෝව හා ස්වභාවික ශබ්දයන්ගේ ඉලෙක්ට්රොනික පටිගතකිරීම් අන්තර්ගත වෙයි.

සංවේදකවලට සම්බන්ධකළ කාන්තාවන් 40 දෙනෙකු පිළිබඳ අධ්‍යයනයක් සිදු කර ඇති අතර, මානසික ආතතියේ මට්ටම පරීක්ෂා කිරීම සඳහා යම් කාල පරාසයක් තුල විසඳීමට අභියෝගාත්මක ප්‍රහේලිකා ලබා දී ඇත. ඒ අතරතුර විවිධාකාර සංගීතයන් ඇසීමට සලස්වමින් ඔවුන්ගේ හෘද ස්පන්දනය, රුධිර පීඩනය, ශ්වසනය සහ මොළයේ ක්‍රියාකාරිත්වය පරීක්ෂා කරන ලදි. "Weightless" නමැති මෙම සංගීතය අන් සියලුම සංගීත වලට වඩා 11%කින් කාන්තාවන් ගේ සැහැල්ලු බවක් ඇතිකළ අතර සමහර කාන්තාවන් නිදිකිරා වැටෙනු දැකගත හැකිවිය. සමස්ත කාංසාව 65%කට අඩුවීම හේතුවෙන් ඔවුන්ගේ ඉහිල්බව සාමාන්‍ය මට්ටමට වඩා 35%කින් අඩු විය.


ශබ්ද චිකිත්සා ඇකඩමියේ නිර්මාතෘවරයා වන ලිස් කූපර් ට අනුව මෙම සංගීතය විවිධාකාර විද්‍යාත්මක න්‍යායන් භාවිතයෙන් නිර්මානය කර ඇති අතර, මනස සන්සුන් කිරීමට බලපෑම් ඇති බවට ප්‍රකට ශබ්ද භාවිතා කරඇත. එබැවින් "Marconi Union" සංගීත කණ්ඩායම අංග සම්පූර්ණ මනස සන්සුන් කරන සංගීතයක් නිර්මාණය කිරීමට සමත් වී ඇති අතර, විනාඩියකට රිද්ම 60කින් ආරම්භ වී පසුව එය ක්‍රමක්‍රමයෙන් රිද්ම 50කට පමණ අඩුවෙයි. එයට සවන් දෙන ඔබේ හදවතද ස්වයංක්‍රීයව ඊට අනුගත වෙයි. මෙම සංගීතයේ අහඹු ලෙස ඇසෙන මිණිහඬ මගින් ගැඹුරු හැඟීමක් ඇති කරවන අතර, සංගීතයේ අවසන් කොටස බෞද්ධ ගාථා ස්වරූපයක් ගනී.

Sunday, April 22, 2018

හඩන්නට නොව ලොවට හඬගා කියන්නට වරක් නරඹන්න.. The Stoning of Soraya M.

"Don't act like hypocrite
who thinks he can conceal his wiles
While louding quoting Koran "

"කුරානයේ වදන් උස් හඬින් අමතමින්
ඉන් කපටිකම සඟවන්නට හැකියයි සිතමින්
කුහකයෙක් ලෙස හැසිරෙන්න එපා"

Hafez යන 14 වෙනි ශත වර්ෂයේ ඉරානයේ විසු කවියෙකුගේ පද කිහිපයකින් සිනමා පටයේ ආරම්භ දිගහැරේ

ඉරානයේ ඈත පිටිසර බද ගමක සිදු වූ සත්‍ය සිදුවීමක් වටා මෙම සිනමා පටය දිව ගියද , මදක් ඔබේ නෙත් ඉන් මුදවා අවට බලන විට මෙවැනි අභාවාචක තත්වයන් ඇත්තේ ඉරානයේ පමණක් නොවන බව ඔබට සිතෙනු ඇත. මිනිසා යහමගට හරවන ආගම මිනිස් ජීවිත අඳුරු ආගාධයන්ට හරවන්නේ නම් ඒ ඇදහීම් වලින් මිනිස් සංහතියට ඇති ප්‍රතිපලයක් නැත. විවිධ ආගම්වල ශාස්තෘවරුන් ගේ මග පෙන්වීමෙන් ඔබ්බට යමින් , තමන්ගේ පැවැත්ම උදෙසා එම ආගම දඩමීමා කරගැනීම, ඒ වටා විවිධාකාර සංස්කෘතීන් නිර්මාණය කිරීම වර්තමානයේ ලොව පුරා සුලභ සිදුවීමකි. Cyrus Nowrasteh විසින් අධ්‍යක්ෂණය කල The Stoning of Soraya M.චිත්‍රපටය තුලින් කියවෙන්නේ මිත්‍යාදෘෂ්ටික සමාජය තුල දෙදරා යන මිනිසත් බවය. මෙම සිනමා පටය තරම් මිනිස් සිත් කම්පනය කල නිර්මාණයක් මෙතෙක් මා දැක නොමැත . පිරිමින්ගේ අණසකට නතු වූ ශාපලත් ආගමික සමාජයක කාන්තාව මුහුණ දෙන අතිශය කෘරත්වය මේ සිනමා නිර්මාණයේ අවසානය තෙක් විහිදී ඇත.

ප්‍රංශ ඉරාන සම්භවයක් ඇති Freidoune Sahebjam ගේ La Femme Lapidée නවකතාව ඇසුරින් මෙහි තිරනාටකය රචනා කර ඇත. ඉරානයේ Kuhpayeh නමැති ගම්මානයේ ජීවත් වන Soraya Manutchehri හා ඇයගේ නීත්‍යානුකුල ස්වාමියා වන Ghorban-Ali ගේ විවාහ ජීවිතය දෙදරා යන්නේ සැමියා වයස 14 ක දැරියක් විවාහ කර ගැනීමට අවසර ඉල්ලීමත් සමගය. බිරිඳ ගෙන් එයට කිසිදු කැමැත්තක් නොදක්වන අතර , ඒ වෙනුවෙන් දියත් කරන කුමන්ත්‍රණය සඳහා ඔහුට ආගමේ නාමයෙන් සළු පිලි දවටා සිටින පුජකයන්ගේ සහයද ලැබේ. සැමියා හැරයාමෙන් පසු දරු දෙදෙනෙකුගේ කුසගින්න නිවීමට සොරායාට වැන්දඹු මිනිසෙකුගේ නිවසක බැලමෙහෙවර කිරීමට සිදුවේ. එම නිවසේ හිමිකරුද සොරායාගේ සැමියා විසින් නිර්මාණය කරන කුමන්ත්‍රණයට හසුවේ. අවසානයේ පර පුරුෂ සේවනය යන චෝදනාවට අනුව ශාරියා නීතිය ක්‍රියාත්මක කර ප්‍රසිද්ධියේ ඇයට ගල් ගසා මරා දැමීමට ග්‍රාමීය ආගමික අධිකරණ කවුන්සිලය තීරණ කරයි..මිත්‍යාදෘෂ්ඨ්ක ආගමික මතවාදයන්ට යට වූ සමාජයක අනුකම්පාව කෙසේ නම් යදින්නද ? සොරායා ලෙස අද්විතීය රංගනයක යෙදෙන ඉරාන සම්භවයක් ඇති ඇමෙරිකානු නිළියක වන Mozhan Marnò ඇකඩමි සම්මානයට පවා නම් කෙරිණි. Freidoune Sahebjam නම් පුවත්පත් කලාවේදියාගේ චරිතයට පන පොවන ලද්දේ Jim Caviezel විසිනි. වර්තමානයේ වුවද සිදුවන මෙවන් සාහසිකත්වයන්ට එරෙහිව , සිනමාව කෙතරම් බලාගතු ලෙස උපයෝගී කර ඇත්තේ දැයි ඔබට මෙහි අවසානයේ ඒත්තු යනු ඇත. ඉතා විශිෂ්ඨ සිනමා සිත්තමක් ලෙසද , මිත්‍යා දෘෂ්ඨික සමාජය දෙපලු කල මහා පණිවිඩයක් ලෙසද මා මෙය අගයමි

www.youtube.com/watch?v=aXCns3xCUYQ

ශ්‍රීපාද අඩවියේ ගුප්ත ඇත් සොහොන

ශ්‍රී පාද අඩවිය ගුප්ත අබිරහස්වලින් සැඟවී ගිය ස්ථානයකි. එහි නිතිපතා අලුත් යමක් සිදුවෙයි. කලක් හැටන් ශ්‍රී පාද මහා විද්‍යාලයේද ඉන්පසු මස්කෙළ...